گماں سے ورا ہے مقامِ محمدؐ
پیامِ خدا ہے پیامِ محمدؐ
امانت ، دیانت، شرافت، صداقت
ہے بالا جہاں سے نظامِ محمدؐ
شریعت خدا کی، چلن زندگی کا
سکھاتا ہے کیا کیا کلامِ محمدؐ
زباں پر جو آئے وہ اسم ِ گرامی
تو واجب ہے پھر احترامِ محمدؐ
کرم یہ خدا کا ہے ہم عاصیوں پر
کہ جاری ہے لب پر سلامِ محمدؐ
ملی رب سے توفیقِ مدحت سرائی
بیاں کر رہا ہے غلام ِ محمدؐ
ملی دل کو راحت ،سکوں زندگی کو
لیا جب بھی ذیشانؔ، نامِ محمدؐ
17-10-11
محمد ذیشان نصر
January 5, 2012 at 4:01 PM
صل اللہ علیہ و سلم
جزاک اللہ